DÜNYA


Türkiyədə genişmiqyaslı antiterror əməliyyatı keçirilib

Ankara, 26 yanvar, AZƏRTAC

Türkiyədə paytaxt Ankara da olmaqla 13 vilayətdə FETÖ terror təşkilatına qarşı əməliyyat keçirilib.

AZƏRTAC xəbər verir ki, məlumatı Ankara Prokurorluğu yayıb.

Bildirilir ki, əməliyyat nəticəsində FETÖ və PYD terror təşkilatları ilə əlaqəli fəaliyyət göstərməkdə şübhəli bilinən 19 nəfər saxlanılıb.

İzmirdə 35 ünvanda paralel keçirilən əməliyyat zamanı saxlanılanlar arasında keçmiş polis rəisi, axtarışda olan Metin Tuncer də olub. O, saxta şəxsiyyət vəsiqəsi təqdim edərkən yaxalanıb.

Digər bir məlumatda isə bildirilir ki, PKK/KCK terror təşkilatının gənclər qolu hesab edilən GYK-nin 14 üzvü həbs olunub.

Daxili İşlər Nazirliyinin məlumatında isə qeyd olunub ki, ölkənin şərq bölgələrində keçirilən “Eren-1 Tendürek”, “Eren-2 Lice” və “Eren-3 Ağrı Dağı" antiterror əməliyyatları uğurla davam edir.

Sabir Şahtaxtı

AZƏRTAC-ın xüsusi müxbiri

Ankara

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.