İDMAN


Cüdoçumuz Rüstəm Orucov “Böyük dəbilqə” turnirində bürünc medal uğrunda mübarizə aparacaq

Bakı, 6 mart, AZƏRTAC

Özbəkistanın paytaxtı Daşkənddə keçirilən “Böyük dəbilqə” turnirində Azərbaycan cüdoçusu Rüstəm Orucov (73 kq) bürünc medal uğrunda mübarizə aparacaq.

AZƏRTAC xəbər verir ki, cüdoçumuz üçüncü yer uğrunda yerli idmançı Obidxon Nomonov ilə gücünü sınayacaq.

Bu gün mübarizə aparan digər cüdoçularımız - 81 kiloqram çəki dərəcəsində ölkəmizi təmsil edən Murad Fətiyev yarışa uğurla başlayaraq fransalı Nikolas Çiları məğlub etsə də, sonrakı mərhələdə qırğızıstanlı Vladimir Zaloyevin öhdəsindən gələ bilməyib. Həmin çəki dərəcəsində daha bir idmançımız - Hidayət Heydərov isə ilk görüşdə braziliyalı Gilyerme Şmidtə uduzaraq turnirdə çıxışını başa vurub.

Qeyd edək ki, martın 5-də start götürmüş yarışda komandamızın aktivində medal yoxdur.

Martın 7-dək davam edəcək turnirdə Azərbaycanın 12 cüdoçusu mübarizə aparır.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.