DÜNYA


ABŞ-da yeniyetmənin ad günündə atışma nəticəsində 9 nəfər yaralanıb

Vaşinqton, 21 aprel, AZƏRTAC

ABŞ-ın Luiziana ştatında, Yeni Orleandan təxminən 35 kilometr qərbdə yerləşən Laplas şəhərində 12 yaşlı uşağın ad günündə baş verən atışma nəticəsində azı 9 yeniyetmə yaralanıb.

AZƏRTAC Laplas polisinin bəyanatına istinadən xəbər verir ki, atışma iki yeniyetmə arasında mübahisə nəticəsində baş verib.

Şəhər şerifinin bəyanatında deyilir: “Polislər tərəfindən aparılan təhqiqat nəticəsində yetkinlik yaşına çatmamış 9 nəfərin yaralandığı məlum olub. Onlardan 7 nəfəri yerli xəstəxanada müalicə aldıqdan sonra evə buraxılıb, xəstəxanada qalan 2 nəfərin vəziyyəti isə sabitdir”.

Hakimiyyət orqanları hesab edirlər ki, ad günündə təqribən 60 yeniyetmə iştirak edib. Məlum olub ki, yeniyetmələr arasında oğlanlardan ibarət iki qrup bir-biri ilə ədavətdə olublar. Onlardan ikisinin mübahisəsi yekunda atışma ilə nəticələnib.

Lakin ad günündə iştirak edənlərin sayının çoxluğuna baxmayaraq, onlardan heç biri gördükləri barədə rəsmi məlumat verməyib. Atışma ilə bağlı hələ ki, heç kəs həbs olunmayıb.

 

AZƏRTAC-ın Vaşinqton bürosu

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.