AZƏRTAC xəbər verir ki, Azərbaycanın 17 yaşlılardan ibarət yığma futbol komandası İtaliyada yeniyetmələr arasında keçirilən beynəlxalq turniri bir xalla başa vurmuşdur.

Kamerunun “Mond” komandası turnirə gəlmədiyi üçün, yığmamız qrupda son görüşünü Meksikanın “Astra” komandasına qarşı keçirmişdir. Görüş 1:1 hesabı ilə qurtarmışdır.

Beləlikə, ilk oyunda Braziliyanın “Atletiko Mineyro” klubuna 2:0, İtaliyanın “Yuventus” komandasına isə 1:0 hesabı ilə məğlub olan Yaşar Vahabzadənin yetirmələri turniri bir xalla başa vurmuşlar.

İtaliyada daha bir beynəlxalq turnirdə iştirak edəcək 17 yaşlılarımız vətənə mayın 2-də qayıdacaqlar.