CƏMİYYƏT


BMT-nin Qaçqınlar üzrə Ali Komissarlığı: 2019-cu ildən bəri didərgin düşənlərin sayı 4 faiz artıb

Bakı,18 iyun, AZƏRTAC

BMT-nin Qaçqınlar üzrə Ali Komissarlığı “Qlobal tendensiyalar - 2020-ci il ərzində zorla didərgin salınmalar” adlı hesabatını açıqlayıb.

BMT QAK-ın Azərbaycan nümayəndəliyindən AZƏRTAC-a bildiriblər ki, hesabatda pandemiyaya baxmayaraq, 2020-ci ildə müharibələrdən, zorakılıqdan, təqiblərdən və insan hüquqlarının pozulması səbəbindən didərgin düşənlərin sayının artaraq təxminən 82,4 milyon nəfərə çatdığı qeyd olunub. Bildirilib ki, bu, 2019-cu ilin sonunda qeydə alınmış rekord göstərici olan 79,5 milyonla müqayisədə dörd faiz artım deməkdir.

Bundan əlavə, BMT-nin Qaçqınlar üzrə Ali Komissarının Azərbaycandakı nümayəndəsi Quido Ambroso 20 İyun - Ümumdünya Qaçqınlar Günü münasibətilə Azərbaycan ictimaiyyətinə videomüraciət ünvanlayıb. İngilis dilində hazırlanan və Azərbaycan dilində subtitrlərlə təqdim olunan videoçarxda qaçqınların vəziyyətini əks etdirən görüntülər də yer alıb.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.