REGİONLAR


Cəlilabadda Vətən müharibəsi şəhidi Famil Ağaşovun xatirəsinə həsr olunmuş futbol turniri keçirilib

Cəlilabad, 21 sentyabr, Bağır Əliyev, AZƏRTAC

Cəlilabad Olimpiya İdman Kompleksində Vətən müharibəsi şəhidi Famil Ağaşovun xatirəsinə həsr olunmuş futbol turniri keçirilib.

Turnirdə Rayon Gənclər və İdman İdarəsinin, Cəlilabad Regional Mədəniyyət İdarəsinin rayon üzrə nümayəndəliyinin, Uşaq Gənclər İdman Şahmat Məktəbinin, şəhər 3 nömrəli ümumi orta məktəbinin əməkdaşları, şəhidin ailə üzvləri, idmançılar, qazilər, ictimaiyyət nümayəndələri iştirak ediblər.

AZƏRTAC-ın bölgə müxbiri xəbər verir ki, tədbir iştirakçıları, əvvəlcə şəhid Famil Ağaşovun məzarını ziyarət edərək, ruhuna dualar oxuyublar.

Dövlət Himninin səsləndirilməsi ilə başlanan turnirin açılış mərasimində çıxış edənlər 44 günlük Vətən müharibəsində Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyevin rəhbərliyi ilə müzəffər Azərbaycan Ordusunun əsgər və zabitlərinin, o cümlədən şəhid Famil Ağaşovun qəhrəmanlıqlarından danışıblar.

Final görüşündə “Şəfa” və “Ümid” komandaları qarşılaşıblar. Görüşün əsas vaxtı 2:2 hesabı ilə nəticələnib.

Oyunu idarə edən hakimlərin qərarı ilə finalda iştirak edən hər iki komanda qalib elan edilib.

Qaliblərə kubok və hədiyyələr təqdim olunub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.