DÜNYA


Latviyanın COVID-19-dan zərər çəkmiş sahələri dəstəkləmək üçün kifayət qədər vəsaiti var

Riqa, 21 oktyabr, AZƏRTAC

Latviyanın sərt karantin dövründə dəstək ödənişini dərhal maliyyələşdirmək üçün kifayət qədər vəsaiti var.

AZƏRTAC Latviya mətbuatına istinadla xəbər verir ki, bu sözləri ölkənin Maliyyə Nazirliyinin mətbuat katibi Aleksis Yarotskis söyləyib.

O, Latviya hökuməti tərəfindən təsdiqlənəcək bütün mümkün dəstək tədbirlərinin dərhal həyata keçirilməsini təmin etmək məqsədilə Dövlət Xəzinədarlığının hesablarında kifayət qədər likvidlik olduğunu bildirib.

A.Yarotskis qeyd edib ki, ötən il COVID-19 böhranının fəsadlarının yumşaldılması məqsədilə ayrılan yardımın ümumi məbləği 1,3 milyard avro və ya ümumi daxili məhsulun (ÜDM) 4,4 faizini təşkil etmişdi. Proqnozlara əsasən, carı ildə bu dəstəyin məbləği 3,2 milyard avro və ya ÜDM-in 10,2 faizini təşkil edə bilər.

Xəbər verildiyi kimi, Latviyada oktyabrın 21-dən noyabrın 15-dək dörd həftəlik sərt karantin rejimi qüvvəyə minəcək.

Asiman Əsədov

AZƏRTAC-ın xüsusi müxbiri

Riqa 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.