İQTİSADİYYAT


193 Çağrı mərkəzi və onlayn resurslar vasitəsilə 37 minədək müraciət daxil olub

Bakı, 14 iyul, AZƏRTAC

İqtisadiyyat Nazirliyi yanında Əmlak Məsələləri Dövlət Xidmətinin fəaliyyəti ilə bağlı müraciətlər 193 Çağrı mərkəzi, rəsmi sayt (“emlak.gov.az”) və özəlləşdirmə portalının (“privatization.az”) onlayn məsləhət pəncərəsi, həmçinin sosial şəbəkələrdəki rəsmi səhifələr vasitəsilə cavablandırılır.

Dövlət Xidmətindən AZƏRTAC-a bildirilib ki, cari ilin yanvar-iyun ayları ərzində Çağrı mərkəzi, onlayn çat və sosial şəbəkələr vasitəsilə Dövlət Xidmətinə 36 min 915 müraciət daxil olub. Onlardan 35 min 601-i 193 Çağrı mərkəzinin, 1314-ü isə onlayn resursların payına düşür. Çağrı mərkəzinə daxil olan müraciətlərin 35 min 267-si sorğu və müraciət xarakterli, 334-ü isə araşdırma tələb edən məsələlər olub.

Göstərilən xidmətlərlə bağlı sorğular dərhal cavablandırılıb, qanunvericilik prosedurları izah edilib, araşdırma tələb edən müraciətlər aidiyyəti struktur bölmələrə yönləndirilib. Daxil olan müraciətlər əsasən, daşınmaz əmlakın qeydiyyatı, dövlət reyestrindən arayışların verilməsi, Əmlak Xidmətləri Məkanında növbəyə yazılmaq, xidmətlərə dair dövlət rüsumu və xidmət haqqı, dövlət əmlakının özəlləşdirilməsi və digər məsələləri əhatə edib.

Qeyd edək ki, Əmlak Məsələləri Dövlət Xidmətinin 193 Çağrı mərkəzi həftə içi hər gün saat 9:00-dan 18:00-dək fasiləsiz fəaliyyət göstərir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.