Nərimanov rayonundakı klinikalarda qadınların çantasından pul, qızıl-zinət əşyaları oğurlan şəxs tutulub

Bakı, 26 yanvar, AZƏRTAC

Nərimanov Rayon Polis İdarəsinin 16-cı polis bölməsinə rayon ərazisindəki iki klinikada paytaxt sakinləri olan iki qadının çantasından ümumilikdə 970 manat məbləğində pul, qızıl-zinət əşyaları, bank kartları və sənəd olan pulqabılarının oğurlanması barədə məlumat daxil olub.

Daxili İşlər Nazirliyinin mətbuat xidmətindən AZƏRTAC-a bildiriblər ki, polis əməkdaşlarının keçirdikləri əməliyyat tədbirləri nəticəsində oğurluq əməllərini törətməkdə şübhəli bilinən Tovuz rayon sakini, əvvəllər də oğurluğa görə məhkum olunmuş K.Quliyev müəyyənləşdirilərək saxlanılıb.

Faktla bağlı rayon polis idarəsi tərəfindən araşdırma aparılır.