AZƏRTAC xəbər verir ki, Azərbaycanın 19 yaşlılardan ibarət yığma futbol komandası Daşkənddə özbəkistanlı həmyaşıdları ilə sonuncu yoxlama görüşü keçirmişdir.

Bu oyun da 0:0 hesabı ilə başa çatmışdır. Beləliklə, Arif Əsədovun yetirmələrinin Özbəkistan millisi ilə keçirdiyi üç görüşdən biri yığmamızın qələbəsi ilə qurtarmış, ikisində isə qapılara top vurulmamışdır.

Xatırladaq ki, ilk oyun komandamızın 5:1 hesablı inamlı qələbəsi ilə başa çatmışdı. Avropa birinciliyinin qrup seçmə yarışlarına hazırlaşan 19 yaşlılarımız vətənə aprelin 13-də dönəcəklər.

Oktyabrda Kiprdə keçiriləcək qitə birinciliyinin qrup oyunlarında futbolçularımızın rəqibləri meydan sahibləri ilə yanaşı, Ermənistan və Macarıstan milli kollektivləri olacaqlar.