Bakı, 1 sentyabr, AZƏRTAC

1 nömrəli marşrut avtobusunun fəaliyyətə başlama vaxtı texniki səbəblərdən 1 həftə müddətinə uzadılır.

Nəqliyyatın İntellektual İdarəetmə Mərkəzindən AZƏRTAC-a verilən məlumata görə, bu barədə “BakuBus” MMC-dən bildirilib.

1 nömrəli marşrut avtobusu sabahdan deyil, təqribən 6-7 gün sonra fəaliyyətə başlayacaq. Bu səbəbdən digər marşrut xətlərində (11, 8, 136, 184) nəzərdə tutulan dəyişikliklər də 1 nömrəli marşrut avtobusu fəaliyyətə başladığı gündən tətbiq olunacaq.

Qeyd edək ki, bu müddətin uzadılması ləğv olunan 100 və 132 saylı marşrut avtobuslarına aid deyil.