2011-ci ildə Novorossiysk limanından 2 milyon tona yaxın xam neft ixrac edilmişdir
Bakı, 5 yanvar (AZƏRTAC). Azərbaycan Respublikası Dövlət Neft Şirkətinin (ARDNŞ) Marketinq və İqtisadi Əməliyyatlar İdarəsi 2011-ci ilin dekabr ayında Novorossiysk limanından 155 min 663 ton, Supsa limanından 161 min 697 ton, Ceyhan limanından 1 milyon 645 min 23 ton xam neft ixrac etmişdir.
Şirkətin mətbuat xidmətindən AZƏRTAC-a bildirmişlər ki, ümumilikdə ötən ildə Novorossiysk limanından 1 milyon 988 min 429 ton, Supsa limanından 2 milyon 652 min 111 ton, Ceyhan limanından isə 22 milyon 969 min 48 ton xam neft ixrac edilmişdir. ARDNŞ-in Marketinq və İqtisadi Əməliyyatlar İdarəsi tərəfindən ixrac olunmuş xam neftin göstəriciləri həm Azərbaycan dövlətinə, həm də şirkətə məxsus xam neft həcmlərini əks etdirir.
Bölmənin digər xəbərləri
