Bakı, 19 yanvar (AZƏRTAC). 2011-ci ildə yol-nəqliyyat hadisələrinin, bu zaman ölən və yaralananlarının sayının artması qeydə alınmışdır.

AZƏRTAC xəbər verir ki, bu fikirlər Baş Dövlət Yol Polisi İdarəsində ötən il yol hərəkəti təhlükəsizliyinin təmin olunması sahəsində görülən işlərə və qarşıda duran vəzifələrə həsr edilmiş geniş əməliyyat müşavirəsində səslənmişdir.

Bildirilmişdir ki, il ərzində respublikada 2 min 890 yol-nəqliyyat hadisəsi baş vermiş, nəticədə 1.016 nəfər həlak olmuş, 3 min 31 nəfər yaralanmışdır. 2010-cu illə müqayisədə həlak olanların sayı 91 nəfər (9,8 faiz), yaralananların sayı isə 160 nəfər (5,6 faiz) artmışdır.