RƏSMİ SƏNƏDLƏR

2016-cı il sentyabrın 26-na təyin edilmiş ümumxalq səsverməsində (referendumda) “Vətəndaş Cəmiyyəti” referendum üzrə təşviqat qrupu tərəfindən vəkil edilmiş şəxslər təyin edilmiş və onların qeydə alınması üçün müvafiq sənədlər Azərbaycan Respublikasının Mərkəzi Seçki Komissiyasına təqdim edilmişdir.

Mərkəzi Seçki Komissiyası bununla əlaqədar qanunvericilikdə nəzərdə tutulmuş müddətdə və qaydada müvafiq araşdırma aparıb, həmin şəxslərin qeydə alınması üçün hüquqi əsasların olmasını müəyyən etmişdir.

Yuxarıda qeyd edilənləri əsas götürərək, Azərbaycan Respublikasının Mərkəzi Seçki Komissiyası Azərbaycan Respublikası Seçki Məcəlləsinin 19.4-cü, 19.14-cü, 28.2-ci, 28.4-cü və 72-ci maddələrinə əsasən qərara alır:

1. 2016-cı il sentyabrın 26-na təyin edilmiş ümumxalq səsverməsində (referendumda) aşağıdakı şəxslər “Vətəndaş Cəmiyyəti” referendum üzrə təşviqat qrupunun vəkil edilmiş şəxsləri kimi qeydə alınsınlar:

Abbasov Aqil Məhəmməd oğlu

Ağamalı Fəzail Rəhim oğlu

Alıyev Sahib Eyvaz oğlu

Bayramov Kamran Fərhad oğlu

Əliyev Bəxtiyar Həmzə oğlu

Əsgərli Asif Məmməd oğlu

Feyziyev Cavanşir Əyyub oğlu

Həsən-zadə Fəxrəddin Nazim oğlu

İbrahimli Fəzail Feyruz oğlu

Qasımlı Musa Cəfər oğlu

Qənizadə Çingiz Aşralı oğlu

Qurbanov Fərasət Şəkur oğlu

Mehdiyev Nurəddin Səftər oğlu

Məcidov Rəşad Museyib oğlu

Məmmədov Elman Camal oğlu

Mirzəzadə Rəna Rza qızı

Muradov Fuad Rauf oğlu

Musayev Elşən Məmmədhənifə oğlu

Nəsirov Elman Xudam oğlu

Niyazov Xalid Qüdrət oğlu

Nuriyev Əliməmməd Mali oğlu

Oruc Zahid Məhərrəm oğlu

Orucov İlqar Nəcibəddin oğlu

Rzayev Rövşən Şükür oğlu

Şahbazlı Fərid Tahir oğlu

2. Qərar dərc edildiyi gündən qüvvəyə minir.

Sədr            Məzahir Pənahov

Katib            Arifə Muxtarova

Katib            Mikayıl Rəhimov