2017-ci ildə pauerliftinq üzrə dünya çempionatı Azərbaycanda keçiriləcək
Bakı, 17 noyabr, AZƏRTAC
ABŞ-da keçirilən pauerliftinq WPC üzrə dünya çempionatı çərçivəsində bu idman təşkilatının konqresi olub.
Azərbaycan Pauerliftinq Federasiyasının prezidenti Ələddin Əliyev AZƏRTAC-a bildirib ki, konqresdə 2017-ci il dünya çempionatının Azərbaycanda keçirilməsi haqqında qərar qəbul edilib. Əksər ölkələrin nümayəndələri Azərbaycanın namizədliyinə səs verib, halbuki rəqiblər arasında bir çox dövlətlər, o cümlədən Rusiya olub.
Azərbaycanlı idmançılar çempionatda uğurla çıxış edərək, 6 qızıl və bir gümüş medal qazanıblar.
Bölmənin digər xəbərləri
