DÜNYA


2019-cu il Portuqaliyada avtomobil istehsalı üzrə ən uğurlu il olub

Lissabon, 15 yanvar, AZƏRTAC 

Portuqaliyada 2019-cu ildə 345688 avtomobil istehsal olunub ki, bu da yerli avtomobil istehsalı tarixində ən uğurlu il hesab edilir.

AZƏRTAC Portuqaliya Avtomobil Assosiasiyasının (ACAP) məlumatına istinadla xəbər verir ki, avtomobil istehsalının həcmində yeni rekord qazanılıb. İstehsal 17,4 faiz artaraq təqribən 346 min avtomobil təşkil edib. Portuqaliyada istehsal olunan avtomobillərin 97,3 faizi xarici bazar üçün nəzərdə tutulub. Qeyd etmək lazımdır ki, bu, Portuqaliyanın ticarət balansına əhəmiyyətli töhfədir.

ACAP-ın məlumatına görə, Avropa milli ərazidə istehsal edilmiş avtomobil ixracatında 92,7 faizlə liderliyini davam etdirir. Reytinqdə Almaniya (23,3 faiz), Fransa (15,5 faiz), İtaliya (13,3 faiz), İspaniya (11,1 faiz) və Böyük Britaniya (8,7 faiz) seçilirlər.

2019-cu ildə Portuqaliyada yığılmış avtomobillərin təxminən 93 faizi ixrac edilib. Bununla belə, əsas təyinat məntəqəsi Amerika (84,5 faiz) olub.

Nigar Cəfərli

AZƏRTAC-ın xüsusi müxbiri

Lissabon

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.