MƏDƏNİYYƏT


2020-ci ildə MDB-də “Eurovision” festivalının analoqu yarana bilər

Bakı, 29 oktyabr, AZƏRTAC

MDB ölkələrinin iştirakı ilə ilk populyar musiqi festivalı 2020-ci ildə Almatıda keçirilə bilər.

AZƏRTAC TASS agentliyinə istinadla xəbər verir ki, bunu Rusiyanın Xalq artisti, bəstəkar İqor Krutoy bildirib.

İ.Krutoyun sözlərinə görə, ilk belə festival artıq gələn il keçirilə bilər. Musiqiçi deyib: “Layihə barədə danışmaq hələ tezdir, lakin belə fikirlər var və ola bilsin ki, bu niyyət baş tutacaq. Bu, Almatıda ola bilər”.

İqor Krutoy daha sonra deyib: “Hazırda mənim komandam bu məsələ ilə məşğuldur. Biz layihəni rejissorlar və quruluş qrupu ilə birlikdə nəzərdən keçiririk. Çalışırıq ki, hər şey orijinal olsun, bu tədbir hazırda MDB ərazisində mövcud olan başqa festival və müsabiqələrə oxşamasın. Biz istəyirik ki, öz yolumuz olsun”.

Bəstəkar qeyd edib ki, belə bir festivalın təsis edilməsi barədə ona dəfələrlə təkliflərlə müraciət ediblər.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.