İDMAN


2020-ci ildə Niderlandda Formula 1 Qran-Prisi keçirilə bilər

Bakı, 2 noyabr, AZƏRTAC

Formula 1 sahibləri yenidən Niderland Qran-Prisini keçirmək təklifi ilə “Zandvort” avtodromuna müraciət ediblər.

AZƏRTAC xəbər verir ki, sonuncu dəfə 1985-ci ildə Formula 1 yürüşlərinin keçirildiyi bu avtodromda 2020-ci il Qran-Prisi təşkil oluna bilər.

Kral yarışları mərhələsinin keçirilməsi üçün ödəmə təxminən 20 milyon avro təşkil edir. “Zandvort”la yanaşı, Assen şəhərindəki trass da nəzərdən keçirilib. Ancaq Formula 1 sahibləri daha çox tarixi məna kəsb edən variant üzərində dayanıblar. Belə ki, “Zandvort”da Qran-Pri yarışları 1952-ci ildən 1985-ci ilədək keçirilib.

“Əgər biz müqaviləni imzalasaq, o zaman Formula 1 Qran-Prisi artıq 2020-ci ildə Niderlandda Maks Ferstappenin iştirakı ilə təşkil olunacaq. Hamı yaxşı başa düşür ki, bu, unikal fürsətdir”, - deyə “Zandvort” avtodromunun sahibi şahzadə Bernard Lippe-Bisterfeldski bildirib.

Daha əvvəl xəbər verilmişdi ki, Formula 1 yarışlarında tezliklə Vyetnam mərhələsi də keçiriləcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.