DÜNYA


2022-ci ilədək böyük ölçülü aparatlar smartfon bazarının 84,5 faizini təşkil edəcək

Bakı, 31 avqust, AZƏRTAC 

2022-ci ilədək böyük ölçülü aparatlar smartfon bazarının 84,5 faizini təşkil edəcək.

AZƏRTAC “dailycomm.ru”ya istinadla xəbər verir ki, 2018-ci ildə qlobal smartfon bazarında azalma gözlənilməsinə baxmayaraq, “IDC” tədqiqat şirkətinin analitikləri 2019-cu ildə vəziyyətin müsbətə doğru dəyişməsinə ümid edir.

Ekspertlərin qiymətləndirməsinə görə, cari ildə smartfonların tədarük həcmi 0,7 faiz azalacaq. Eyni zamanda, cari ilin ikinci yarısında smartfonların tədarük həcmi ötən illə müqayisədə 1,1 faiz yüksək olacaq və 2019-2022-ci illərdə isə smartfon bazarında cüzi artım proqnozlaşdırılır. Həmin dövrün sonunadək smartfon bazarının həcmi 1,646 milyard qurğu təşkil edəcək. 5,5 düym və daha böyük diaqonala malik displeylə təchiz edilmiş modellər smartfon sektorunda artıma səbəb olacaq.

Gözləntilərə görə, 2018-ci ildə smartfon bazarına tədarük edilən 941 milyondan çox (64,7 faiz) qurğu bu kateqoriyaya aid ediləcək. Müqayisə üçün, 2017-ci ildə fabletlərin tədarük həcmi 623,2 milyon səviyyəsində olub və bazar payı 42,5 faiz təşkil edib. 2022-ci ilədək böyük ölçülü smartfon bazarda əsas kateqoriya olacaq: fabletlərin tədarükü və bazar payı 1,39 milyarda (84,5 faiz) yaxınlaşacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.