QAN YADDAŞI


Estoniya-Azərbaycan parlamentlərarası dostluq qrupu Xocalı soyqırımının ildönümü ilə bağlı bəyanat yayıb

Bakı, 22 fevral, AZƏRTAC

Estoniya-Azərbaycan parlamentlərarası dostluq qrupu Xocalı soyqırımının 30-cu ildönümü ilə bağlı bəyanat yayıb.

AZƏRTAC xəbər verir ki, bu barədə Estoniya parlamentinin rəsmi saytı məlumat yayıb.

“Estoniya-Azərbaycan parlamentlərarası dostluq qrupu Xocalı soyqırımının 30-cu ildönümü ilə əlaqədar Azərbaycan xalqına dərin hüznlə başsağlığı verir. Biz 1992-ci il fevralın 25-dən 26-na keçən gecə Xocalının işğalını qınayırıq. Bu işğal zamanı 600-dən çox günahsız dinc sakin, o cümlədən çox sayda uşaq, qadın və qoca qətlə yetirilib. Bu kütləvi qətliamın səbəbkarları ədalət qarşısında cavab verməlidirlər.

Biz inanırıq ki, regionun bütün ölkələrinin suverenlik, ərazi bütövlüyü, eləcə də beynəlxalq səviyyədə tanınmış sərhədlərinin toxunulmazlığı hüququ var.

Biz bütün tərəflərə regionun inkişafında uğurlar arzulayırıq və müxtəlif icmalar arasında sıx əməkdaşlığa çağırırıq. Biz Azərbaycan Respublikasının azad edilmiş ərazilərdə davamlı sülh, inteqrasiya və inkişaf istiqamətində səylərini dəstəklədiyimizi bildiririk”, - deyə bəyanatda qeyd olunub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.