DÜNYA


2050-ci ilədək İspaniya əhalisinin sayı 50 milyon nəfərə çata bilər

Madrid, 8 oktyabr, AZƏRTAC

Yaxın 30 ildə İspaniya əhalisinin sayı həm yeni doğulanlar hesabına, həm də immiqrasiya sayəsində 4-13 milyon nəfər artacaq.

AZƏRTAC xəbər verir ki, bu barədə Maliyyə Məsuliyyətli Müstəqil Təşkilatın (“AIReF”) bu həftə təqdim olunan məruzəsində bildirilir. Məlumatda qeyd olunur ki, 2050-ci ilədək İspaniya əhalisinin sayı 50-60 milyon nəfər olacaq. “AIReF” hesab edir ki, yaxın 30 il ərzində İspaniyaya ildə 250 min miqrant gələcək və ölkə əhalisinin ümumi sayında miqrantların payı 10-15 faiz təşkil edəcək. Milli Statistika İnstitutunun hesabatında isə ildə 40 min nəfər göstərilir.

“AIReF” ehtimal edir ki, biotexnologiyanın inkişafı, qidalanmada dəyişikliklər və digər amillər nəzərə alınmadan 2050-ci ildə insanların orta ömrü 87 il təşkil edəcək.

Nigar Cəfərli

AZƏRTAC-ın xüsusi müxbiri

Madrid

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.