ELM VƏ TƏHSİL


20 Yanvar faciəsi xalqımızın tarixinə milli qürur günü kimi yazılıb

Bakı, 18 yanvar, AZƏRTAC

AMEA-nın Memarlıq və İncəsənət İnstitutunda 20 Yanvar faciəsinin 33-cü ildönümünə həsr edilmiş anım mərasimi keçirilib.

Bu barədə AZƏRTAC-a institutdan məlumat verilib. Əvvəlcə şəhidlərimizin xatirəsi bir dəqiqəlik sükutla yad olunub. İnstitutun baş direktoru AMEA-nın müxbir üzvü Ərtegin Salamzadə bildirib ki, 20 Yanvar faciəsi ölkəmizdə Hüzn Günü kimi qeyd olunsa da, xalqımızın tarixinə milli qürur günü kimi yazılıb: “20 Yanvar hadisələri ilə başlayan azadlıq hərəkatı Azərbaycanın yenidən öz müstəqilliyini bərpa etməsinə gətirib çıxarıb. Xalqımızın suverenliyi uğrunda mübarizə aparan Vətən oğulları azadlıq uğrunda canlarını fəda edib və şəhidlik zirvəsinə ucalıblar. 20 Yanvar şəhidlərinin qəhrəmanlığı heç zaman unudulmayacaq”.

Sonra institutun icraçı direktoru sənətşünaslıq üzrə fəlsəfə doktoru, dosent Xəzər Zeynalov “Təsviri sənətdə 20 Yanvar faciəsinin təcəssümü” mövzusunda çıxış edib, Azərbaycanın klassik rəssamlarının 20 Yanvar faciəsinə həsr olunmuş əsərlərindən danışıb.

“Azərbaycan kinosunda 20 Yanvar mövzusu” mövzusunda məruzəsini təqdim edən Teatr, kino və televiziya şöbəsinin böyük elmi işçisi Əməkdar incəsənət xadimi Ayaz Salayev bu faciənin Azərbaycan kinosunda kifayət qədər işıqlandırılmadığını, səthi yanaşıldığını vurğulayıb.

 

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.