İDMAN


20 Yanvar şəhidi Müşfiq İsayevin xatirəsinə həsr edilən sərbəst güləş üzrə turnirin qalibləri müəyyənləşib

Bakı, 15 yanvar, AZƏRTAC

Yanvarın 15-də Bakı İdman Sarayında 20 Yanvar şəhidi Müşfiq İsayevin xatirəsinə həsr edilən sərbəst güləş üzrə beynəlxalq turnir keçirilib.

AZƏRTAC xəbər verir ki, yeniyetmələr arasında bütün çəki dərəcələri üzrə keçirilən yarışda Azərbaycan, Rusiya, Qazaxıstan, Gürcüstan və Özbəkistandan 230-dan artıq pəhləvan iştirak edib.

Turnirdə Musa Verdiyev (45 kiloqram), Alimbek Pulatov (48 kiloqram, Qazaxıstan), Musa Ağayev (51 kiloqram), Riad Aslanov (55 kiloqram), Yeqor Arçuqin (60 kiloqram, Qazaxıstan), Ali Maxaçev (65 kiloqram, Rusiya), Namus Orucov (71 kiloqram), Səbuhi Əmiraslanov (80 kiloqram), Yusif Dursunov (92 kiloqram) və Səid-Həsən Axmatov (110 kiloqram, Rusiya) bütün rəqiblərinə qalib gələrək qızıl medal qazanıblar.

Musa Ağayev ən ədalətli idmançı, Zaur Şərifov ən ədalətli hakim, Özbəkistan komandasının məşqçisi Uktam Tuyev isə ən ədalətli məşqçi nominasiyasında mükafatlandırılıblar.

Komanda hesabında Azərbaycan birinci, Rusiya ikinci, Qazaxıstan isə üçüncü yeri tutub.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.