REGİONLAR


20 Yanvar təkcə faciə deyil, həm də şərəf tariximizdir

Astara, 23 yanvar, Bağır Əliyev, AZƏRTAC 

Mənəvi Dəyərlərin Təbliği Fondunun dəstəyi və Astara rayonunun Kakalos kənd məscidi dini icmasının təşkilatçılığı ilə “Vətənpərvərliyin təbliği dini radikalizmə qarşı mübarizə vasitəsi kimi” layihəsi çərçivəsində “20 Yanvar qan yaddaşımızdır” mövzusunda maarifləndirmə tədbiri keçirilib.

Kakalos kənd məscidində keçirilən tədbirdə Dini Qurumlarla İş üzrə Dövlət Komitəsinin (DQİDK) Lənkəran bölgəsi üzrə şöbəsinin əməkdaşı, kənd ərazi icra nümayəndəsi, kənd məscidi dini icmasının sədri, ictimaiyyət nümayəndələri iştirak ediblər.

AZƏRTAC-ın bölgə müxbiri xəbər verir ki, tədbirdə çıxış edən DQİDK-nin Lənkəran bölgəsi üzrə şöbəsinin əməkdaşı Turan Həsənzadə 20 Yanvarın Azərbaycan tarixində təkcə faciə deyil, həm də şərəf tariximiz olduğunu bildirib.

Vətən uğrunda həlak olan şəhidlərimizin ailələrinə dövlətimiz və xalqımız tərəfindən göstərilən diqqət və qayğıdan danışan T.Həsənzadə gənclərin vətənpərvərlik ruhunda formalaşmasının vacibliyini diqqətə çatdırıb.

Kakalos kənd məscidi dini icmasının sədri Hüseynxan İsayev çıxışında şəhid anlayışından, onun mahiyyətindən, İslam dinində şəhidliyin uca məqamından danışıb.

Kakalos kənd ərazi icra nümayəndəsi Raul Məmmədov və başqaları çıxışlarında mövzu ilə bağlı fikirlərini bildiriblər.

Sonda tədbir iştirakçılarını maraqlandıran suallar cavablandırılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.