DÜNYA


Almaniya və İtaliya qaza görə ödəniş üçün rubl hesabları açmağa icazə verib

Bakı, 21 may, AZƏRTAC

Almaniya və İtaliyanın hakimiyyət orqanları Brüssellə məsləhətləşmələrdən sonra öz kompaniyalarına sanksiyaları pozmadan Rusiya qazına görə ödəniş üçün rubl hesabları açmağa icazə verib.

AZƏRTAC Reuters agentliyinə istinadla xəbər verir ki, bu ölkələrdə qaz idxalçılarının “Qazprombank” bankına ödənişlərin xarici valyutada həyata keçirilməsi şərti ilə enerji resurslarının pulunu ödəmək üçün rubl hesablarının açılması mümkün hesab edilib.

Agentliyin yazdığına görə, bundan öncə Brüssel sanksiyaları pozmadan Rusiya qazının alınmasına dair iki yazılı təlimat təqdim edib. Eyni zamanda, Avropa İttifaqının rəsmiləri “bağlı qapılar arxasında” keçirilən görüş zamanı kompaniyalara “Qazprombank” bankında rubl hesabı açmamağı tövsiyə edib.

Xatırladaq ki, fevralın 24-də Rusiya Ukraynaya qarşı müharibəyə başlayıb. Avropa İttifaqı, Kanada, ABŞ, Böyük Britaniya və dünyanın bir çox digər ölkələri buna cavab olaraq Rusiyaya qarşı analoqu olmayan sanksiyalar tətbiq edir, o cümlədən Rusiyadan neft-qaz idxalına embarqo qoyulması barədə müzakirələr gedir.

 

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.