ELM VƏ TƏHSİL


BDU-nun əcnəbi tələbələrinin təqdimatında “Azad diyar – Şuşam mənim” adlı ədəbi-bədii tədbir

Bakı, 25 may, AZƏRTAC

Bakı Dövlət Universitetinin (BDU) hazırlıq sektorunun əcnəbi tələbələrinin təqdimatında “Azad diyar – Şuşam mənim” adlı ədəbi-bədii tədbir keçirilib.

Bu barədə AZƏRTAC-a BDU-dan bildirilib. Tədbirdə qeyd olunub ki, Prezident İlham Əliyevin 2022-ci ilin Azərbaycanda “Şuşa İli” elan etməsi barədə Sərəncamını bütün Azərbaycan xalqı sevinclə qarşılayıb. Çünki Şuşa hər bir azərbaycanlının 30 illik həsrəti, Azərbaycan mədəniyyətinin beşiyidir. Müzəffər Ali Baş Komandan İlham Əliyevin rəhbərliyi ilə qəhrəman Ordumuz Şuşanı və digər işğal altında olan torpaqlarımızı azad edərək, bu həsrətə son qoyub. Hazırda azad Qarabağımızda üçrəngli bayrağımız qürurla dalğalanır.

Daha sonra BDU-nun Hazırlıq sektorunun türk, çinli, qazaxıstanlı tələbələri Qarabağa, Şuşaya, türk dünyasının birliyinə həsr olunmuş şeirlər, mahnılar səsləndirib, müxtəlif dram əsərlərindən səhnəciklər göstəriblər.

Tədbir tələbələrin alqışları ilə qarşılanıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.