SİYASƏT


Gürcüstanla Azərbaycan arasındakı əməkdaşlıq çoxəsrlik dostluq və qonşuluq əlaqələri əsasında qurulub

Tbilisi, 25 may, AZƏRTAC

Müstəqillik illəri Gürcüstanın və Azərbaycanın qarşılıqlı dəstəyə ehtiyacı olduqlarını göstərdi. Çünki mövcud olan mürəkkəb şəraitdə ancaq qarşılıqlı yardım və əməkdaşlıq vasitəsilə çətinliklərin aradan qaldırılması mümkündür.

Bu sözləri AZƏRTAC-a açıqlamasında Acarıstan Muxtar Respublikası Hökumətinin maliyyə və iqtisadiyyat naziri Jaba Putkaradze söyləyib.

Azərbaycan xalqını 28 May Müstəqillik Günü münasibətilə təbrik edən nazir müstəqilliyin bütün ölkələr üçün çox vacib olduğunu vurğulayıb. Nazir deyib: “Gürcüstan və Azərbaycan arasında mövcud olan strateji əməkdaşlıq çoxəsrlik dostluq və qonşuluq əlaqələri əsasında qurulub. Acarıstan turizm, biznes və humanitar sahələrdə Gürcüstan-Azərbaycan münasibətlərinin daha da möhkəmlənməsinə öz töhfəsini verir”.

 
Xətayi Əzizov
AZƏRTAC-ın xüsusi müxbiri
Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.