REGİONLAR


Sumqayıt məktəbliləri Müstəqillik Gününə həsr olunan intellektual oyunda mübarizə aparıblar

Sumqayıt, 26 may, Ətrabə Rzayeva, AZƏRTAC

Sumqayıtda Heydər Əliyev Mərkəzində orta ümumtəhsil müəssisələrini təmsil edən VII-IX sinif şagirdlərindən ibarət komandalar arasında “Nə? Harada? Nə zaman” bilik yarışının qalibləri müəyyənləşib. 28 May – Müstəqillik Gününə həsr olunan intellektual yarış şəhər Gənclər və İdman Baş İdarəsinin və Abşeron-Xızı Regional Təhsil İdarəsi nəzdində Gənc Müəllimlər Şurasının birgə təşkilatçılığı ilə keçirilib.

AZƏRTAC xəbər verir ki, üç gün davam edən yarışda şəhərin orta ümumtəhsil məktəblərindən, ümumilikdə, 24 komanda iştirak edib.

Yekun nəticələrə əsasən, 11 saylı tam orta məktəbin “Supernova”, 28 saylı tam orta məktəbin “Kepler”, 23 saylı tam orta məktəbin “Pilot” komandaları müvafiq olaraq I, II, III yerlərə layiq görülüb.

Qalib komandalar Baş İdarənin fəxri fərman və hədiyyələri ilə təltif edilib.

 

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.