ELM VƏ TƏHSİL


Təhsil Nazirliyinin tərəfdaşlığı ilə “Baku Skills” müsabiqəsi keçirilir

Bakı, 26 may, AZƏRTAC

“TEKNOFEST Azərbaycan” festivalı çərçivəsində Təhsil Nazirliyinin tərəfdaşlığı ilə “Baku Skills” müsabiqəsi keçirilir.

AZƏRTAC xəbər verir ki, müsabiqənin keçirilməsində əsas məqsəd 3D çap texnologiyasından mükəmməl istifadə edən istedadları aşkara çıxarmaqdır. 3D çap ən inqilabi texnologiyalardan biridir və gənc nəslin müvafiq texnoloji imkanlardan effektiv şəkildə istifadə etməsi günümüzün əsas tələblərindəndir. İnnovasiya yönümlü məhsul və prototiplərin hazırlanmasında, detalların və mexaniki hissələrin dizaynında, eləcə də müxtəlif model dizayn texnikasında 3D çap bacarıqları olduqca önəmlidir. 3D çap yaradıcı texnologiya olmaqla yanaşı, tələbələrə CAD proqram təminatından istifadə edərək problemləri necə həll etmək barədə düşünməyə fürsət verir. Müsabiqə məktəblilər və tələbələr arasında keçirilir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.