İDMAN


Bakıda həndbol üzrə seminar keçirilib

Bakı, 26 may, AZƏRTAC

Azərbaycan Həndbol Federasiyasının(AHF) hakim vəzifəsinə namizədlərin seçilməsi üçün təşkil etdiyi seminar işə başlayıb.

Azərbaycan Həndbol Federasiyasının mətbuat xidmətindən AZƏRTAC-a bildiriblər ki, seminar beynəlxalq dərəcəli hakimlərimiz İsgəndər Əsgərov, Ələkbər Ağakişiyev, Vaqif Əliyev və Ernest Ağakişi tərəfindən aparılıb.

Seminar iştirakçılarına Beynəlxalq Həndbol Federasiyasının “Oyun Qaydaları”ndakı son dəyişikliklərlə bağlı məlumat verilib və onları maraqlandıran suallar cavablandırılıb. Bununla yanaşı, çimərlik həndbolu ilə tanışlıq, həmin idman növünün hazırkı vəziyyəti ilə bağlı fikir mübadiləsi aparılıb.

Seminar zamanı yeni qaydalar həm nəzəri, həm də praktiki olaraq iştirakçıların diqqətinə çatdırılıb.

Bədən Tərbiyəsi və İdman Akademiyasında keçirilən seminarda 30-a yaxın namizəd iştirak edib.

Sonda seminar iştirakçıları onlar üçün hazırlanmış test imtahanında iştirak edəcəklər. Seminarı uğurla başa vuran namizədlərə AHF tərəfindən sertifikatlar təqdim olunacaq.

Qeyd olunub ki, yeni qaydalar daxili yarışlarda iyulun 22-dən etibarən tətbiq ediləcək.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.