ELM VƏ TƏHSİL


“Qarabağın incisi – Şuşa” mövzusunda II ümumrespublika rəsm və əl işləri sərgisinin açılış mərasimi keçirilib

Bakı, 27 may, AZƏRTAC

AMEA Milli Azərbaycan Tarixi Muzeyində “Qarabağın incisi – Şuşa” mövzusunda II ümumrespublika rəsm və əl işləri sərgisinin açılış mərasimi keçirilib.

Muzeydən AZƏRTAC-a bildirilib ki, Azərbaycanın bölgələrindən müxtəlif yaş qruplarından olan yaradıcı şəxslər öz əl işləri ilə iki kateqoriya - təsviri incəsənət və tətbiqi sənət üzrə müsabiqədə iştirak ediblər. Müsabiqə üç nominasiyada keçirilib.

Münsiflər heyətinin üzvləri - muzeyin baş direktoru akademik Nailə Vəlixanlı, Azərbaycan Rəssamlar İttifaqının katibi Xalq rəssamı Ağaəli İbrahimov, Teatr Muzeyinin direktor müavini Nazim Məmmədov, Tarix Muzeyinin Təsviri materiallar fondunun müdiri Nardanə Yusifova və Əməkdar mədəniyyət işçisi, muzeyin bərpaçı-rəssamı Gülşən Hacıyevanın iştirakı ilə sərgidə nümayiş olunan əl işləri dəyərləndirilib və qaliblər seçilib.

Tədbirdə belə müsabiqələrin davamlı olacağı qeyd edilib.

Seçilən kreativ əl işlərinin müəllifləri, qaliblər mükafatlandırılıb və fəxri fərmanlarla təltif olunublar. Müsabiqənin bütün iştirakçılarına sertifikat verilib.

Layihənin rəhbəri və kuratoru muzeyin əməkdaşı Aynur Babayevadır.

Xatırladaq ki, müsabiqəyə rəsm və əl işlərinin qəbuluna fevralın 24-dən başlanmışdı.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.