CƏMİYYƏT


Treninqdə vərəm xəstəliyinin müayinə metodları, müasir laboratoriya üsulları haqqında ətraflı müzakirələr aparılıb

Bakı, 27 may, AZƏRTAC

Tibbi Ərazi Bölmələrini İdarəetmə Birliyi (TƏBİB) və Elmi-Tədqiqat Ağciyər Xəstəlikləri İnstitutunun (ETAXİ) birgə təşkilatçılığı ilə "Vərəmin aşkarlanması, diaqnostikası, müalicəsi və profilaktikasına müasir yanaşmalar" adlı treninq keçirilib.

AZƏRTAC TƏBİB-ə istinadla bildirir ki, treninqdə vərəm xəstəliyinin yayılması, müayinə metodları, müasir laboratoriya üsulları, Ümumdünya Səhiyyə Təşkilatının təlimatlarına uyğun müalicə metodları, eləcə də təlimlərin aparılmasının əsas prinsipləri haqqında ətraflı müzakirələr aparılıb.

Azərbaycan Respublikasının baş ftiziatrı, professor Yavər Şıxəliyev və Elmi-Tədqiqat Ağciyər Xəstəlikləri İnstitutunun direktoru İradə Axundova çıxışlarında səhiyyə sahəsində dünyada gedən tendensiyaların izlənilməsinin, o cümlədən vərəm xəstəliyinin aşkarlanması, diaqnostikası, müalicəsi və profilaktikasına müasir yanaşmaların öyrənilməsinin Azərbaycanda bu sahədə müayinə və müalicələrin aparılmasında effektiv olacağını bildiriblər.

Sonda iştirakçılara sertifikatlar təqdim olunub.

Qeyd edək ki, treninqdə Bakı şəhəri üzrə tibb müəssisələrində çalışan ftiziatrlar iştirak ediblər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.