REGİONLAR


Regionlararası müsabiqə qalibləri mükafatlandırılıb

Sumqayıt, 28 may, Ətrabə Rzayeva, AZƏRTAC

Sumqayıt Regional Mədəniyyət İdarəsinin tabeliyində olan N.Nərimanov adına Mədəniyyət Mərkəzində 28 May - Müstəqillik Gününə həsr olunan “Müstəqilliyimiz əbədidir!” adlı tədbir keçirilib.

AZƏRTAC xəbər verir ki, iştirakçılar Mərkəzin foyesində biçmə-tikmə kursu üzvlərinin hazırladıqları geyimlərdən və rəssamlıq kursu üzvlərinin əl işlərindən ibarət sərgi ilə tanış olublar.

Tədbir Azərbaycanın Dövlət Himninin səsləndirilməsi ilə başlayıb. Tədbirin aparıcıları dövlətimizin müstəqilliyi haqqında məlumat verdikdən sonra bayramı vəsf edən mahnılar, şeirlər bir-birini əvəz edib.

Sonda Mərkəzdə fəaliyyət göstərən bir sıra dərnəklərin, həmçinin aprel-may aylarında Mədəniyyət Mərkəzində keçirilən “Ritm bir dünyadır” adlı regionlararası ritm müsabiqəsində yer tutan iştirakçılara fəxri fərman təqdim olunub.

Tədbir “Ritm bir dünyadır” müsabiqəsinin qalibi Qobu Mədəniyyət evinin çıxışı ilə sona çatıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.