CƏMİYYƏT


Gənclər Təşkilatları Milli Şurası Müstəqillik Gününə həsr olunmuş silsilə tədbirlər keçirib

Bakı, 28 may, AZƏRTAC

Azərbaycan Respublikası Gənclər Təşkilatları Milli Şurası (ARGTMŞ) 28 May - Müstəqillik gününə həsr olunmuş silsilə tədbirlər keçirib.

ARGTMŞ-dan AZƏRTAC-a bildiriblər ki, əvvəlcə İdarə Heyəti tərəfindən Gəncə şəhərində yerləşən Azərbaycan Xalq Cümhuriyyəti hökumətinin inzibati binasına infotur təşkil olunub, nümayəndələr muzeyin eksponatları ilə tanış olublar.

Silsilə tədbirlərin davamı olaraq ARGTMŞ-nın İdarə Heyətinin üzvlərinin Gəncə şəhərində fəaliyyət göstərən Azərbaycan Dövlət Aqrar, Gəncə Dövlət və Azərbaycan Texnologiya universitetlərində gənclərlə müzakirə xarakterli görüşləri keçirilib.

Görüşlər zamanı dövlət müstəqilliyi, beynəlxalq aləmdə əldə edilən uğurlar, 104 il əvvəl Azərbaycan Xalq Cümhuriyyətinin sosial-siyasi fəaliyyəti, eləcə də bu ənənələrə söykənərək XX əsrin sonunda dövlət müstəqilliyimizin bərpası və ümummilli lider Heydər Əliyevin rəhbərliyi ilə müasir müstəqil dövlətçiliyimizin bərqərar olması mövzuları ətrafında geniş fikir mübadiləsi aparıblar.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.