İtaliyaya sığınan ukraynalı qaçqınların sayı 140 mini keçib

Roma, 26 iyun, AZƏRTAC

İtaliya bu vaxtadək 140 mindən çox ukraynalı qaçqın qəbul edib.

AZƏRTAC xəbər verir ki, İtaliya Daxili İşlər Nazirliyinin məlumatına görə, ölkə ərazisinə ümumilikdə 140 min 225 Ukrayna vətəndaşı daxil olub. Onlardan 70 min 38-i qadın, 21 min 818-i kişi və 44 min 369-u isə yetkinlik yaşına çatmayanlardır.

Ukraynalı qaçqınlar əsasən Milan, Roma, Neapol və Bolonya şəhərlərində qaçqın şəhərciklərinə və təbii fəlakətlər zamanı insanların sığınması üçün nəzərdə tutulan evlərə yerləşdirilir.

Nihad Budaqov

AZƏRTAC-ın xüsusi müxbiri

Roma