DÜNYA


Dritan Abazoviç: Monteneqro payız mövsümündə enerji böhranı ilə üzləşə bilər

Podqoritsa, 28 iyun, AZƏRTAC

Monteneqronun Baş naziri Dritan Abazoviç ölkəsinin payızda enerji böhranı ilə üzləşə biləcəyi barədə narahatlığını ifadə edib.

AZƏRTAC xəbər verir ki, Baş nazir bu barədə dəfələrlə həyəcan təbili çaldığını diqqətə çatdırıb. O, bütün nazirlərin mövzunu diqqətdə saxladığını bildirib.

“Əgər Rusiya payızda Qərbi Balkan ölkələrinin ehtiyac duyduğu təbii qazı göndərməsə, bu ölkələr elektrik enerjisi istehsalına başlayacaqlar. Enerji böhranı zamanı maliyyə vəsaitimiz olsa belə, elektrik enerjisindən istifadə edə bilməyəcəyik. Ümid edirəm ki, belə bir vəziyyətlə qarşılaşmayacağıq”, - deyə Baş nazir qeyd edib.

D.Abazoviç, həmçinin bildirib ki, iyulun 31-dək gözlənilən irəliləyişə nail olunarsa, Monteneqro Avropa İttifaqına (Aİ) üzvlüyü ilə bağlı danışıqların yekun mərhələsinə qədəm qoyacaq.

 

Nihad Budaqov

AZƏRTAC-ın xüsusi müxbiri

Podqoritsa

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.