CƏMİYYƏT


Məşğulluq xidmətlərinin təkmilləşdirilməsi üçün beynəlxalq təcrübə öyrənilir

Bakı, 1 iyul, AZƏRTAC

İsveç Krallığının Məşğulluq Xidmətinin nümayəndələrindən ibarət ekspert qrupu Azərbaycanda səfərdədir.

Dövlət Məşğulluq Agentliyi və SOCIEUX+ arasında ötən ildən etibarən əməkdaşlıq etmək məqsədilə aparılan müntəzəm danışıqlar nəticəsində peşə təhsili müəssisələrinin xəritələşdirilməsi və təkmilləşdirilməsi məqsədilə texniki yardım əldə edilməsinə dair razılığa gəlinib. Agentliyin Strateji kommunikasiya departamentindən AZƏRTAC-a bildirilib ki, razılaşmaya əsasən üç mərhələdən ibarət olmaqla cari ilin iyun, sentyabr və noyabr aylarında İsveç Krallığının Məşğulluq Xidməti ekspertlərinin agentliyə səfəri razılaşdırılıb.

Ölkəmizdə səfərdə olan SOCIEUX+ nümayəndə heyəti ilə Dövlət Məşğulluq Agentliyində görüş olub. Agentliyin peşə hazırlığı departamentinin əməkdaşları ilə keçirilən görüşdə qonaqlara qurumun iş prinsipi, fəaliyyət istiqamətləri, peşə hazırlığı istiqamətində görülən işlər barədə məlumat verilib.

Qurumlar arasında əməkdaşlığın perspektivləri müzakirə olunub.

SOCIEUX+ Avropa İttifaqı (Aİ) tərəfindən yaradılmış və birgə maliyyələşdirilən texniki əməkdaşlıq mexanizmidir. SOCIEUX+ Avropa İttifaqına üzv dövlətlər və 155-dən çox tərəfdaş ölkə arasında bərabərhüquqlu mübadilə və əməkdaşlığı təmin edir.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.