Qəbələ, 1 iyul, Mustafa Dadaşov, AZƏRTAC

Ərazi bütövlüyümüz uğrunda canlarından keçən şəhidlərin ailələrinə qayğı göstərmək, onların problemləri ilə maraqlanmaq daim diqqət mərkəzində saxlanılır.

Qəbələ Rayon İcra Hakimiyyətindən AZƏRTAC-ın bölgə müxbirinə bildirilib ki, icra hakimiyyətinin başçısı Səbuhi Abdullayev iyulun 1-də Aprel döyüşləri zamanı şəhidlik zirvəsinə ucalan Bum qəsəbə sakini, leytenant Sahil Şirinovun ailə üzvləri ilə görüşüb, onların problemləri dinlənilib və həlli istiqamətində müvafiq tədbirlər görülüb.

Şəhidin ailə üzvləri onlara göstərilən diqqət və qayğıya görə ölkə rəhbərliyinə minnətdarlıqlarını bildiriblər.