ELM VƏ TƏHSİL


Veb-saytların müxtəlif axtarış sistemlərində tanınması üsulları araşdırılır

Bakı, 4 iyul, AZƏRTAC

AMEA İnformasiya Texnologiyaları İnstitutunda “Veb-saytların müxtəlif axtarış sistemlərində tanınması üsulları” mövzusunda məruzə dinlənilib.

Bu barədə AZƏRTAC-a universitetdən məlumat verilib.

Mövzuya dair çıxış edən institutun baş mütəxəssisi Aqşin Paşayev axtarış sistemləri haqqında məlumat verərək, onların istifadəçiyə təqdim etdiyi nəticələrə görə bir-birindən fərqləndiyini bildirib. Qeyd edib ki, axtarış sistemlərinin fəaliyyəti skan etmə, indeksləmə və reytinq prinsiplərinə əsaslanır.

A.Paşayev bildirib ki, indeksləmə mərhələsi axtarış sisteminin skan etdiyi məzmundan istifadə edib-etməməsinə qərar verir. Skan edilmiş veb-səhifə axtarış sistemi tərəfindən yararlı kontent hesab edilərsə, verilənlər bazasına əlavə edilir və saxlanılır. Adətən, unikal və dəyərli məzmun təklif edən əksər veb-səhifələr bu bazalarda indeksləşə bilir.

Sonra tədqiqatçı axtarış sistemlərinin optimallaşdırılması (Search Engine Optimization – SEO) prosesindən bəhs edib. O, SEO-nun ən çox istifadə olunan texniki, səhifədə və səhifədənkənar növləri barədə məlumatı seminar iştirakçılarının diqqətinə çatdırıb.

Daha sonra məruzə ilə bağlı müzakirələr aparılıb, suallar cavablandırılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.