CƏMİYYƏT


Medianın İnkişafı Agentliyi ilə Mediasiya Şurası arasında əməkdaşlıq perspektivləri müzakirə edilib

Bakı, 4 iyun, AZƏRTAC

Medianın İnkişafı Agentliyinin İcraçı direktoru Əhməd İsmayılov Mediasiya Şurasının İdarə Heyətinin sədri Nadir Adilov və 13 saylı Mediasiya təşkilatının rəhbəri İlham Mehtiyev ilə görüşüb.

Agentlikdən AZƏRTAC-a verilən məlumata görə, görüş zamanı Nadir Adilov Mediasiya Şurasının həyata keçirdiyi fəaliyyət haqqında məlumat verib. O, media sahəsində mediatorların hazırlanmasında maraqlı olduqlarını, bununla əlaqədar olaraq media mütəxəssisləri üçün mediasiya kurslarının təşkil olunmasının əhəmiyyətini vurğulayıb.

Əhməd İsmayılov tərəfindən Mediasiya Şurası ilə birgə əməkdaşlıq perspektivləri, “Media haqqında” Azərbaycan Respublikası Qanunu və media sahəsinin qanunvericilik aspektindən təhlil edilməsi, imkanların araşdırılması, həmçinin təhlillərin nəticələrinə əsasən, qurumlararası birgə layihələrin həyata keçirilməsi təklif olunub. İcraçı direktor Agentliyin media sahəsində peşəkarlığının artırılması, o cümlədən mübahisələrin həll edilməsi üçün Mediasiya Şurası ilə əlaqələrin genişləndirilməsinin vacibliyinə toxunub.

Görüşdə hər iki tərəfi maraqlandıran məsələlər ətrafında fikir mübadiləsi aparılıb.

 

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.