İDMAN


Beş boksçumuz Millətlər kubokunda finala yüksəlib

Bakı, 14 avqust, AZƏRTAC

Serbiyanın Vrbas şəhərində yeniyetmə boksçular arasında Millətlər kubokunda yarımfinal mərhələsi başa çatıb.

Azərbaycan Boks Federasiyasından AZƏRTAC-a bildiriblər ki, 18 ölkədən 151 idmançının qatıldığı ənənəvi yarışın bu mərhələsində rinqə çıxan Azərbaycan millisinin 5 üzvünün hər biri qələbə qazanaraq finala yüksəlib.

46 kiloqram çəki dərəcəsində mübarizə aparan Bilal Nəzərov yarımfinalda çexiyalı Maksimillian Plaçetka ilə üz-üzə gəlib. Boksçumuz Nikola Maksimoviçin (Serbiya) ardınca bu rəqibini də 5:0 hesabı ilə məğlub edib. Nəzərov finalda komanda yoldaşı Faiq Mollayevlə qarşılaşacaq.

Mollayev yarımfinalda Nikolas Bonku (Rumıniya) sınağa çəkib. Döyüş təmsilçimizin 4:1 hesablı qələbəsi ilə yekunlaşıb.

Məşqçi Ağası Məmmədovun rəhbərlik etdiyi komandada Tağı Nəsibov (50 kq) da günü qələbə ilə başa vurub. O, Nikola Mihailoviçdən (Serbiya) sonra italiyalı Françesko Krusillanı da məğlub edib – 4:1. Nəsibov finalda Daniel İrofte (Rumıniya) ilə üz-üzə gələcək.

Simon Qlorioso (İtaliya) və Dani Qriqorini (Rumıniya) mübarizədən kənarlaşdıran Məhəmmədəli Aşırəliyev (54 kq) yarımfinalda Lukas Kuçera (Çexiya) ilə döyüşüb. Millimizin üzvü görüşü 5:0 hesabı ilə aktivinə yazıb. O, çempionluq üçün Aydar Kadirxanla (Qazaxıstan) qüvvəsini sınayacaq.

Məhəmmədəli Qasımzadə (57 kq) də komanda yoldaşlarının uğurunu davam etdirib. Tisiano Alkiati (İtaliya), Daniel Frankı (Macarıstan) məğlub edən boksçumuz 3-cü qarşılaşmada bolqarıstanlı Viktorio İlyevə də 5:0 hesabı ilə qalib gəlib. Onun həlledici qarşılaşmada rəqibi Arun Tudoroiu (Rumıniya) olacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.