DÜNYA


Macarıstanda əməyin orta saathesabı ödənişi artırılıb

Budapeşt, 15 avqust, AZƏRTAC

Son onilliklər ərzində görünməmiş inflyasiya, qiymətlərin artması, enerji böhranı şiddətlənən regional müharibələrlə, Avropaya miqrasiya axını ilə yanaşı Macarıstan hökumətini sosial sahədə vəziyyətin sabitləşdirilməsi üzrə tədbirlər görməyə məcbur edir.

AZƏRTAC MTI informasiya agentliyinə istinadla xəbər verir ki, Macarıstan Nazirlər Kabinetinin bu gün səhərki iclasında ixtisaslı və qeyri-ixtisaslı işçilər üçün əməyin orta saathesabı ödənişinin 11,5 faiz, yəni ötən ilin avqustu ilə müqayisədə 1553 forintədək (4 avro) artırılması barədə qərar qəbul olunub. Bu gündən başlayaraq əməyin saathesabı ödənişi ölkənin cənub-qərbində bir saat üçün 1370 forint, mərkəzi regionunda isə 1930 forint təşkil edəcək.

2022-ci il yanvarın 1-dən bu günədək Macarıstanda minimum saathesabı əməkhaqqı ixtisaslı kadrlar üçün 1495 forint və qeyri-ixtisaslı işçilər üçün 1150 forint idi. Avronun forintə mübadilə kursu təqribən 1:400 kimidir.

Pərvanə Qarayeva

AZƏRTAC-ın xüsusi müxbiri

Budapeşt

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.