DÜNYA


Aleksandr Vuçiç: Serbiya Ordusunda zirehli texnikanın sayı əvvəlki illərlə müqayisədə 46 dəfə artıb

Belqrad, 17 avqust, AZƏRTAC

Serbiya Ordusu üçün ötən beş ildə 204 zirehli texnika alınıb və daha 65 zirehli texnika isə sifariş verilib. Orduda zirehli texnikanın sayı 2018-ci ildən əvvəlki dövrə nisbətən 46 dəfə artıb.

AZƏRTAC xəbər verir ki, bu barədə Serbiya Prezidenti Aleksandr Vuçiç deyib.

Ölkəsinin silahlanmağa davam etdiyini bildirən A.Vuçiç cari ilin sonuna kimi “Airbus”un istehsal etdiyi daha 11 ədəd “H145M” model, iki ədəd isə “Puma” helikopteri alacaqlarını qeyd edib.

Pilotsuz uçan aparatlara, raketlərə, həm döyüş, həm də xilasetmə helikopterlərinə ehtiyacın günbəgün artdığını deyən Serbiya Prezidenti əvvəlkindən 6-7 dəfə çox helikopterə sahib olmaq istədiklərini bildirib.

Nihad Budaqov

AZƏRTAC-ın xüsusi müxbiri

Belqrad

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.