İDMAN


Macarıstan yığmasının hücumçusu Adam Salai millidəki karyerasını başa vurub

Bakı, 27 sentyabr, AZƏRTAC

“Bazel”in hücumçusu Adam Salai Macarıstan millisindəki karyerasını başa vurub.

AZƏRTAC xəbər verir ki, o, yığmada keçirdiyi son oyunundan sonra fikirlərini bildirib: “Hələ də inana bilmirəm ki, bu, milli komandadakı son oyunumdur. Bütün diqqətimi 90 dəqiqəyə yönəltməyə çalışdım. Yaxşı nəticə qazanmaq üçün şanslarımızın olduğunu bilsək də, əla fürsəti əldən verdik”.

Macarıstan millisi UEFA Millətlər Liqasındakı son oyunda İtaliyaya 0:2 hesabı ilə uduzub. Bu qələbə ilə İtaliya millisi Millətlər Liqasının pley-off mərhələsinə vəsiqə qazanıb. Macarıstan isə A liqasındakı yerini qoruyub və üçüncü qrupun turnir cədvəlində ikinci yeri tutub.

Hücumçu 2009-cu ildən formasını geyindiyi Macarıstan yığmasında 86 oyun keçirib, 26 qola imza atıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.