İDMAN


Almaniya və Malta U-19 Avropa çempionatında debüt edəcəklər

Bakı, 30 sentyabr, AZƏRTAC

2023-cü ildə keçiriləcək 19 yaşadək futzalçılardan ibarət komandalar arasında Avropa çempionatının seçmə mərhələlərinin püşkü noyabrın 3-də atılacaq.

AZƏRTAC Azərbaycan Futzal Federasiyasına istinadla xəbər verir ki, bu dəfə yarışda rekord sayda – 36 komanda iştirak edəcək. Onlardan meydan sahibi olacaq Xorvatiya yığması mübarizəyə final mərhələsindən qoşulacaq. Qalan 35 komanda reytinqə uyğun olaraq ilkin və əsas mərhələdə gücünü sınayacaq. Debütantlar isə Almaniya və Maltadır. İngiltərə, Kosovo və Litva isə AVRO-2019-da iştirak etsə də, bu il təşkil olunan qitə birinciliyinə qatılmamışdı. Onlar yenidən iştirak edəcəklər.

İlkin mərhələnin oyunları gələn il yanvarın 17-dən 22-dək, əsas mərhələnin matçları isə martın 21-dən 26-dək keçiriləcək. Yekunda 7 komanda meydan sahibi Xorvatiyaya qoşulacaq və final mərhələsi gələn il sentyabrın 3-10-da təşkil olunacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.