SİYASƏT


Ərəb KİV-ləri: Azərbaycan Prezidenti İsraildə səfirliyin və Fələstində Təmsilçilik Ofisinin açılmasının milli maraqlara əsaslandığını bildirib

Qahirə, 26 noyabr, AZƏRTAC

Ərəb ölkələrinin nüfuzlu media orqanları Azərbaycan Prezidenti İlham Əliyevin ADA Universitetində “Orta dəhliz boyunca: geosiyasət, təhlükəsizlik və iqtisadiyyat mövzusunda keçirilən konfransdakı çıxışında İsraildə səfirlik və Fələstində Təmsilçilik Ofisinin açılması barədə fikirlərini əsas xəbər olaraq yayımlayıb.

AZƏRTAC xəbər verir ki, Fələstinin “Səma”, Birləşmiş Ərəb Əmirliklərinin “Emarat”, Livanın “Əl Nəşra”, Misirin “Dar əl Hilal” və sair qəzet və portallarında yayımlanan materiallarda Prezident İlham Əliyevin bu diplomatik addımların ölkənin milli maraqlarına əsaslanması barədə sözləri yer alıb. Oxucuların diqqətinə çatdırılıb ki, Azərbaycanın dövlət başçısı bu qərarın sülhün möhkəmlənməsi işinə və bu dövlətlərdə uzunmüddətli, səmərəli əməkdaşlığa xidmət edəcəyini qeyd edib.

Ərəb KİV-lərinin xəbərlərində o da vurğulanıb ki, Prezident İlham Əliyev Qoşulmama Hərəkatı və İslam Əməkdaşlıq Təşkilatı çərçivəsində Azərbaycanı daim dəstəklədiklərinə görə Ərəb Dövlətləri Liqasının üzvlərinə təşəkkürünü bildirib.

Oqtay Bayramov

AZƏRTAC-ın xüsusi müxbiri

Qahirə

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.