İDMAN


Futbol üzrə dünya çempionatı: Polşa yığması Səudiyyə Ərəbistanı komandasını məğlub edib

Bakı, 26 noyabr, AZƏRTAC

Qətərdəki futbol üzrə dünya çempionatında daha bir oyun keçirilib.

AZƏRTAC xəbər verir ki, C qrupunda Polşa yığması Səudiyyə Ərəbistanı komandası ilə üz-üzə gəlib. Görüş Polşa seçməsinin 2:0 hesablı qələbəsi ilə başa çatıb. Belə ki, qarşılaşmada ilk qolu 39-cu dəqiqədə Pyotr Zelinski vurub. Avropa təmsilçisinin kapitanı Robert Levandovski 82-ci dəqiqədə ikinci qolu rəqibin qapısından keçirib.

Bu qrupun digər oyunu saat 23:00-da Argentina və Meksika yığmaları arasında olacaq.

Qeyd edək ki, günün ilk oyununda - D qrupunda Avstraliya yığması Tunis komandasını 1:0 hesabı ilə məğlub edib. D qrupundakı digər oyunda Fransa və Danimarka komandaları qarşılaşacaqlar. Matç saat 20:00-da başlayacaq.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.