ELM VƏ TƏHSİL


UNEC-də iqtisadi qiymətləndirmənin səmərəliliyinə dair elmi seminar keçirilib

UNEC-də iqtisadi qiymətləndirmənin səmərəliliyinə dair elmi seminar keçirilib

Bakı, 29 noyabr, AZƏRTAC

Azərbaycan Dövlət İqtisad Universitetində (UNEC) Tədqiqat mərkəzlərinin işinin əlaqələndirilməsi və təşkili şöbəsi və Analitik-informasiya resursları mərkəzinin təşkilatçılığı ilə “Regional səviyyədə tərtib edilmiş xərc-buraxılış modeli ilə iqtisadi qiymətləndirmənin səmərəliliyi” mövzusunda onlayn seminar keçirilib.

Bu barədə AZƏRTAC-a universitetdən məlumat verilib.

Seminarı giriş sözü ilə açan UNEC Analitik-İnformasiya Resursları Mərkəzinin rəhbəri Esmira Əhmədova bildirib ki, statistik məlumat bazası üçün göstəricilər sisteminin tərtib olunması, müvafiq informasiya mənbələrindən statistik məlumatların toplanması Mərkəzin əsas vəzifələrindən biridir.

Mərkəzin tədqiqatçısı Elnur Rüstəmov təqdimatla çıxış edib. O, xərc-büdcə modelinin qurulmasını şərtləndirən amillərdən, regional balansın qurulma üsullarından, regional hesablar sisteminin formalaşması problemləri və imkanlarından, Gəncə-Qazax iqtisadi rayonunda məhsul, iş və xidmət istehsalının bölüşdürülməsinin sahələrarası balans göstəricilərindən danışıb.

Sonda suallar cavablandırılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.