Haitidə silahlı hücum nəticəsində 12 nəfər həlak olub

Bakı, 1 dekabr, AZƏRTAC

Haitinin paytaxtı Port-o-Prins yaxınlığındakı Kabare kəndində silahlı şəxslər 12 nəfəri öldürüb.

AZƏRTAC xarici KİV-lərə istinadla xəbər verir ki, hücum zamanı kənddə bir neçə ev yandırılıb.

Bildirilib ki, Haitidə sosial və iqtisadi vəziyyət uzun müddətdir yüksək inflyasiya, milli valyutanın dəyərdən düşməsi və yüzlərlə insanın həyatına son qoyan küçə quldur dəstələrinin toqquşması nəticəsində mürəkkəbləşib.