DÜNYA


Türkiyə və Britaniya liderləri əlaqələri genişləndirməyi müzakirə ediblər

Türkiyə və Britaniya liderləri əlaqələri genişləndirməyi müzakirə ediblər

Ankara, 2 dekabr, AZƏRTAC

Türkiyə Prezidenti Rəcəb Tayyib Ərdoğan ilə Böyük Britaniyanın Baş naziri Rişi Sunak arasında telefon danışığı olub.

AZƏRTAC xəbər verir ki, məlumatı Türkiyə Prezident Administrasiyası yayıb.

Bildirilir ki, telefon danışığında başda ticarət və müdafiə sənayesi olmaqla iki ölkə arasında əlaqələri genişləndirəcək mühüm addımlar müzakirə edilib.

Prezident Rəcəb Tayyib Ərdoğan iki NATO müttəfiqi arasında sağlam düşüncə və strateji yanaşmanın bundan sonra da əlaqələrə hakim olacağına inandığını qeyd edib.

Regional proseslərin dəyərləndirildiyi telefon danışığında Türkiyə dövlətinin başçısı Rusiya ilə Ukrayna arasında danışıqların sürətlə yenidən başlanmasının bütün tərəflər üçün faydalı olduğunu vurğulayıb, Kipr məsələsinin həlli üçün yeni və konkret addımlar atılmasının vacibliyinə diqqəti çəkib.

Sabir Şahtaxtı

AZƏRTAC-ın xüsusi müxbiri

Ankara

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.